ఎంత పిచ్చివాడినో కదా
జ్ఞాపకాలు నవ్వుతున్నాయి
వెళుతున్న నిన్నొదిలేసి
వాటిని దాచుకున్నానని
అప్పుడు తెలీలేదు
నీ నిశబ్ద సంగీతం నన్నల్లుకుంటుంటే
నా మది నావకి చిల్లు పడిందని
నీ ప్రేమ కడలిలో మునిగిపోయిందని
కాలిపోయిన ఒంటరితనం
మళ్ళీ ప్రాణం పోసుకుని
కాటుక పూసుకున్న క్షణాలని
వెన్నెల లేని రాత్రులని లేక్కేస్తోంది
ఎదురుచూస్తుంటా
వియోగపు క్షణాలకి
నీ తలపుల తెనేరాస్తూ
నా గుండె శబ్దం ఆగేవరకు...
